Bugun yoshlar o‘rtasida harbiy sohaga qiziquvchilar ko‘p. Yoshlarni sohaga jalb qilish borasida amalga oshirilayotgan ishlar bunga imkon bermoqda. Buni “Vatanparvar” tashkiloti Yakkabog‘ tuman o‘quv sport texnika klubida tarbiyalanayotgan yoshlar misolida ham ko‘rish mumkin.

Yaqinda “Vatanparvar” tashkiloti tashkil etilgan kunning 31 yilligi munosabati bilan “Mahalla” xayriya jamoat fondi Yakkabog‘ tumani bo‘linmasi hamda tuman kasaba uyushmasi hamkorligida o‘quv sport texnika klubida tashkilot xodimlari va guruh o‘quvchilari o‘rtasida “Mohir mergan” sport musobaqasi va davra suhbati tashkil etildi.

Musobaqada ishtirokchilar o‘zlarining merganlik mahoratini namoyish etdi. Yakunda musobaqada ishtirok etgan ishchi xodimlar va o‘quvchilar tashkilotchilar tomonidan taqdirlandi.

O’lmas Barotov, O’zA.