Чекка маҳаллаларда ёшларни спортга жалб этиш, соғлом турмуш тарзини тарғиб қилиш мақсадида спорт мусобақалари ташкил этилмоқда. Бу борада Президентимизнинг 2020 йил 10 октябрдаги фармони муҳим дастуриламал бўлмоқда.

Мазкур фармон ижроси доирасида Қашқадарё вилояти Яккабоғ тумани “Маҳалла” хайрия жамоат фонди ва Яккабоғ тумани спортни ривожлантириш бўлими, Яккабоғ туман 2-сонли спорт мактаби ҳамкорлигида маҳаллаларда стол тенниси бўйича “Маҳалла кубоги” мусобақаси ўтказилмоқда.

13-16 ёшдаги ўсмирлардан таркиб топган жамоалар ўртасидаги турнир  муросасиз ўтди. Мусобақада жами 120 нафар спортчилар иштирок этди ва ғолиблар ҳамкор ташкилотлар томонидан эсдалик совғалари билан тақдирланди.

Ўлмас Баротов, ЎзА.