Ўзбекистон Республикаси Президентининг 2020 йил 30 октябрь кунги ПФ-6099-сонли Фармони ижросини таъминлаш мақсадида «Маҳалла» хайрия жамоат фонди, спортни ривожлантириш, маданият, халқ таълими, ички ишлар бўлимлари, Миллий гвардия, тиббиёт бирлашмаси ҳамда Ёшлар ишлари агентлиги қўшма қарорига асосан Ёзёвон туманидаги 13-умумий ўрта таълим мактабида спортнинг стол тенниси бўйича “Маҳалла кубоги” турнирининг туман босқичи ўтказилди.

Ушбу мусобақада маҳалла ёшлари – 13-16 ёшдаги ҳаваскор ўғил ва қизлардан иборат жамоалар иштирок этди. Тадбирда ёшлар ўзларининг спортга бўлган қизиқишларини яна бир бор исботладилар. Маҳалла ёшлари ўртасида қизғин баҳс кетди. Ушбу спортни ўтказишдан мақсад ёшларни спортга қизиқтириш, уларнинг вақтларини мазмунли ўтказиш, спорт билан мунтазам шуғулланиш, соғлом турмуш тарзини тарғиб қилиш ҳамда оммавий спортни ривожлантиришдир.

Якуний натижаларга кўра, Хонобод МФЙ жамоаси 1-ўрин, Ёшлик МФЙ жамоаси 2-ўрин ва Тошҳовуз МФЙ жамоаси 3-ўринга сазовор бўлдилар. Мусобақа иштирокчилари “Маҳалла” хайрия жамоат фондининг диплом ҳамда эсдалик совғалари билан тақдирландилар.

“Vodiy24”